बीबीसी
दक्षिण कोरियाका नयाँ राष्ट्रपति मुन जाइले राष्ट्रपति चुनावको क्रममा गरेको आफ्नो बचन पूरा गरेका छन् । उनले एक उद्धार गरिएको कुकुरलाई एडप्ट गरेर आफ्नो बाचा कायम गरेका छन् ।
राष्ट्रपति निवास चियोङ वा दाई (द ब्लू हाउस) को फेसबुक पेजमा दक्षिण कोरियाले पशु अधिकारको समर्थन स्वरुप टोरीलाई देशको ‘फर्स्ट डग’ को रुपमा घोषणा गरेको छ ।
चार वर्षको कालो रङको मोङ्ग्रेललाई पशु अधिकार समूह कोएग्जिस्टेन्स अफ एनिमल राइट्स अन अर्थबाट एडप्ट गरिएको हो । दक्षिण कोरियाको योनह्याप न्यूज एजेन्सीले कुनै आश्रित कुकुर ‘फर्स्ट डग’ भएको यो पहिलो घटना भएको बताएको छ ।
उक्त समूहले टोरीलाई दुई वर्ष अघि एक बधशालाबाट उद्धार गरेको थियो । तर दक्षिण कोरियामा कालो कुकुरप्रतिको पूर्वाग्रहका कारण यसलाई पाल्न मालिक पाइएको थिएन । आफूले उक्त कुकुरलाई पाल्ने निर्णय गर्नुको पछाडि मानव र पशु दुबै पूर्वाग्रह र भेदभावमुक्त हुनुपर्छ भन्ने सन्देश दिन खोजेको योनह्यापले बताएको छ ।
टोरीलाई राष्ट्रपतीका अन्य दुई पाल्तु जनावर– मारु नामको कुकुर र पूर्व आश्रित बिरोलो जेजिङ–जेजिङसँगै राखिएको छ ।
0 comments: