देम्बा खबर जेठ २८
कांग्रेस ओखलढुगांले यस अघि टिकट बितरणमा समस्या भएका बाँकी गाँउपालिकाहरुका उम्मेदवारहरुको नाम आज सार्बजनिक गरेको जनाएको छ । यसअघि टिकट बितरणमा मानेभञ्ज्याङ र सुनकोशी गाँउपालिकामा कांग्रेसमा प्रमुख पदका आकांक्षी बढी देखिएपछि भएको आन्तरिक समस्या लाई समाधान गर्दै केन्द्रीय समितिबाट मानेभञ्ज्याङको प्रमुखमा मोतिराज राई, र उपप्रमुखमा सबिता राईको नाम टुंगाएको छ । यसैगरी सुनकोशी गाँउपालिकामा जिल्ला सचिब रुद्र अधिकारी र उपप्रमुखमा दुर्गा तामाङ लाई उम्मेद्वार बनाएको हो । १ नगरपालिका र ७ गाँउपालिका रहेको ओखलढुगांमा कांग्रेसले सिद्दीचरण नगरपालिकामा प्रमख उम्मेदवारका रुपमा डिल्लीराम खनाल, उपप्रमुखमा हेमालक्ष्मी राई, खिजीदेम्बामा बेदबहादुर रोका, उपप्रमुखमा सुशीला तामाङ, चम्पादेबीमा नबराज केसी र उपप्रमुखमा निर्मला रैका लाई उमेद्वार बनाएको छ । त्यस्तै मोलुङ गाउँपालिकाको प्रमुखमा महेन्द्र कार्की र उपप्रमुखमा हेमकुमारी तामाङ, लिखु गाउँपालिकामा प्रमुख अशोक कार्की र उपप्रमुखमा मन्दिरा दाहाल लाई दिएको छ भने चिशंखुगढी गाउँपालिका प्रमुखमा टेकराज भट्टराई र उपप्रमुखमा खिला आलेमगरलाई उम्मेदवार बनाएको नेपाली कांग्रेस ओखलढुंगाका उपसभापति तेजेन्द्र खनालले जानकारी दिनुभयो ।
उम्मेदवारहरुको टुगो लागेसँगै ओखलढुगा कांग्रेसले नेता कार्यकर्तालाई स्थानीय चुनावलाई महाउत्सवका रुपमा लिएर भए रहित वातावरणमा चुनावलाई सम्पन्न गराउन आ आफ्नो स्थान बाट भूमिका खेल्न जिल्ला नेतृत्वले अनुरोध गरेको छ । एक नगरपालिका सहित सात गाउँपालिका तथा ७५ वटा वडाको टीकट टुंगो लागेसंगै नेपाली कांग्रेसका नेता कार्यकर्ताहरु चुनाबी अभियानका साथ गाउँ केन्द्रीत भएका छन् ।
0 comments: